Friends.pngキャプチャ.PNG小编记得初到日本嘅时候，除左公司嘅同事之外基本上系完全没朋友，😢(so sad)
但其实当你开始有第一个朋友之后就可能会有之后无限个朋友!!
大家可能都系初到日本生活，或者系日本已经系你第二个家乡回乡是必须的都好，无论点样就算你有几爱日本呢片土地，去边度玩边度食有几熟都好，但如果都系同呢度嘅人无联系的话其实多少都会有种遗憾，作为一个人无论有多自闭其实都会想有同人沟通嘅时候，但如果人在日本想揾人倾下计又人都唔识多个其实都几SAD，所以点解唔识返个日本朋友??
对小编呢种小毒毒黎讲，如果你问我识日本朋友难唔难，我会答你其实系算难，但有方法的话毒毒的我可以，你一定更加可以!!
日本人有几排外其实大家可能都知道，而排外呢一点就正正系令外国人难以结识日本朋友嘅其中一个原因，你可能又会问咁我天生唔系日本人嘛，咁点搞㖞。方法就系令你自己成为唔再系外人嘅”内人”。但其实日本人都会排”内”不过今次就唔讲太多住啦😂
以下同大家分享小小心得，希望可以帮到大家溶入日本社会，但头盔先要戴戴，以下经验可能只套用在本人身上，全部未经证实系咪对全部人都有效，不过大家可以参考一下:
外表方面: 样系天生冇得搞，但如果你咁岩好在同小编一样生得同日本人比较似的话，当唔讲太多日文既时间，日本人其实好难系你口音同字里行间知道你系唔系日本人，呢一点其实对唔熟既朋友或者当你出街玩同买野嘅时候可以避免一D不必要嘅麻烦。有时候唔讲太多非必要嘅野就可以好好咁隐藏自己!
衣着方面可以参考下其他日本人或者买一D时装书睇下，但如果你同小编一样都系对打扮冇咩概念的话其实简单素色嘅大牌子系一个唔错嘅选择。
语言方面: 好多朋友都讲日文要讲到native其实冇可能，流利都唔错啦，口音冇咩用架!!虽然如果一口流利日文对日本人黎讲通常都好欣赏你呢个外国人架啦。但事实系如果你能够将口音练到native嘅程度绝对大大加分好感度up，识想想有一个白人同你讲native嘅广东话??就系呢种感觉啦(btw小编人生中只有一个白人朋友可以讲到native嘅广东话，我觉得佢真系巧劲劲!!)。
口音要好其实只要不断练习，其中一个方法就系揾一个你嘅日剧偶像(同自己相同性别比较好，你都唔想自己学到变左个”男女子”或者女汉子挂🤣)，不断loop不断听，留意每一个小细节例如语气，语速，高低音等等，然后再去模仿，不断讲(最好可以录低自己嘅声听返有咩问题)就可以不断进步。
内在方面: 相比起其他民族，日本人更加讲求民族性，所以要溶入日本人嘅生活就要去了解下日本人嘅生活习惯，系适当嘅日子去倒适当嘅垃圾，扶手梯要企返岩果边留返条唔比人行呢D基本野固然系必须的。最重要系明白日本人嘅理念系尽量”唔为身边嘅人带黎麻烦”，当抱住呢个心态去细心了解日本人嘅习惯嘅时候，其实好多野就会理解点解要咁样做。
同埋日本人会讲”空気読め”，意思系”读空气”，实际就系讲能够因应同理解当时现场气氛而作出适当反应同行动，要明白日本人好多野都未必会讲出口，佢地会觉得应该系人人都知道人人都咁样做嘅野点解你会唔知，唔做或者做多左同做错就系异类，佢地嬲左你又唔会同你讲，当时人可能根本唔知问题发生在系边!有D外国朋友就会觉得日本人好难理解，无端端做咩嬲左我?!其实就系咁解。所以要同日本人好好相处，养成能够读空气嘅能力再作出符合日本人理解范围内嘅反应是需要的。
实践编: 睇左咁多又系时候到实际行动，3唔识7要就咁去识日本人其实好难，就算有时坐电车有D女仔可能对你有D好感故意企系你附近嘅时候都唔好开心住，(虽然日本女仔比起香港女仔主动，但电车始终都系事非之地，一个唔觉意比人当系电车痴汉就唔系几好啦!)
除左最传统系网上识朋友之外，(小编未试过，亦觉得网上更难识到人，有经验嘅朋友仔可以分享一下。)系日本最方便识朋友嘅方法就系揾一D圈子入，当你地系同一个圈子入面，日本人相对就冇咁易当你系外人，可以揾一D自己嘅兴趣，例如FANS CLUB或者去学下野，空手道又好弓道又好煮野食又好，大家一齐玩同一样野多D交流就比较容易FRIEND到。记得小编系日本返教会初期坐左几个星期都冇人理，但当入左小组之后识左第一班朋友之后朋友又会介绍你比其他朋友，圈子就会扩大得好快。如果你冇信仰就去揾一样自己钟意嘅野做啦。当你有左第一班朋友之后社交圈子就会可以系几何级数扩张。
不过结交朋友其实最重要系用心付出，无论咩国藉嘅人都好，当你真心对待佢嘅时候对方一定会感受到你要传递嘅温暖架!!当然都要小心自己唔好比人呃啦!!😂
希望你都可以快D适应系日本嘅新生活，世界上冇一处地方系完美，总会有好有唔好，但概然选择系一个新地方开始新生活，点解唔放低旧有观念同心态，去迎接新生活!!
以下开放留言，能力所及小编都会尽力回答，有经验嘅朋友仔都欢迎分享经验帮下其他新朋友😉