夏天又到啦，大熱天時食返個冰凍西瓜簡直係人生一大享受呀!日本作為水果大國，生產既西瓜直頭係超越國際級!!但其實日本西瓜都有非常多嘅品種架。今日我地就一齊去了解下有咩品種同點樣揀個靚西瓜啦。
縞王
縞王由北海道至沖繩全國都有栽培嘅普通品種。
糖度為11~12度，好容易就可以充分感受到佢嘅甜味
因為有深淺交錯斑紋外皮而被稱為「縞」(日文中”縞”指使用兩種色系嘅橫或直紋)
果肉為赤紅色，柔軟嘅肉質俘虜左好多人嘅心靈。
收穫穩定，被稱為”西瓜界嘅王者”。
富士光
富士光比較耐存放，多數會被切開販賣嘅品種。
糖度較高有12~13度。
肉質較實會有起”沙”嘅口感。
果肉係明亮嘅紅色，無論色﹑味﹑口感都係大有人氣嘅品種。
甘泉
甘泉雖然比較早熟，但同樣比較耐存放，無論對農家或者消費者黎講都係好容易保持鮮度而受到注目。
而且唔止保存方面，糖度仲好高架!!
甘泉嘅糖度有12度，係西瓜之中係可以比較享受甜味嘅品種。
果肉為鮮紅色，外皮有好靚嘅斑紋。
係外觀能夠代表西瓜家族嘅品種。
祭りばやし雖然有柔軟緊緻既肉質，但係用刀就可以簡單切開既品種。
除左有起沙嘅口感之外，十足嘅甜味同JUICY嘅味道絕對能夠滿足身為西瓜迷嘅你。
糖度高，外皮花紋又靚，簡直係送禮自用嘅寶物。
重量可以有成7KG嘅大西瓜。
又好睇又好食!!
ひとりじめ
ひとりじめ係奈良縣荻原農場誕生既品種，係小型西瓜之中都係比較細粒嘅品種。
可以放係掌心嘅大小。
就好似佢嘅名咁樣，可以一個人獨佔嘅大小，無論自私食定同另一半分享都非常之有人氣。
果肉色係唔會太紅，好靚嘅鮮紅色都係一大魅力。
而且種子都唔多，方便進食同清理。
係一個細細粒但係可以食得好滿足嘅品種。
姫甘泉
小型西瓜之中嘅美味逸品
可以比美大型西瓜嘅起沙口感
而且相比大多薄皮西瓜唔撞得嘅感覺，因為有一定硬度，係算趺落地都唔一定會爆開嘅品種。
糖度有成12度，簡直由邊皮已經可以感受到甜味嘅愛歡迎品種。
種子比較少，無需擔心可以盡情享受美味!
おつきさま
有黃色果肉，係北海道非常受到喜愛嘅西瓜品種”おつきさま”。
墨綠色無斑紋嘅表皮，入面就係好肉月亮咁黃嘅果肉。
係瓜農柳氏懷住”要生產出好似月亮咁嘅西瓜”嘅心願，7年之間不斷係錯誤之中反覆試驗而誕生出嘅西瓜。
雖然好多朋友食完又想再食，但只係係北海道同首都圈部份地方流通嘅稀少逸品。
好似月亮嘅鮮黃色迷惑好多人嘅心。
介紹左咁多品種又係時候講下揀西瓜嘅方法
糖度
西瓜收成後成長已經停止，無法”樹下熟”，所以買既時候要小心挑選又甜又熟嘅，近年批發商或者超市大多已經測過糖度，係一個好好嘅參考指標。12度以上已經算好甜，13度以上嘅更加係極品，但都唔可以過份依賴糖度，要留意返會唔會係過熟呀。
傳說中嘅”拍西瓜”秘技
拍拍下就可以知道西瓜熟唔熟??
完熟嘅西瓜拍落手會有清脆嘅（BonBon）聲，未熟呢又會有比較高音嘅（PonPon）聲，熟過頭拍落手會有好低音入面好水嘅聲音。不過要清楚分辨拍西瓜嘅聲都需要經驗架!!
睇西瓜底
紋路清晰加上波浪紋越強勁就會更加美味!!
trustyhk@trusty-group.com 
